శివాష్టకమ్

శివాష్టకమ్

|| 1 ||


ప్రభుం ప్రాణనాథం విభుం విశ్వనాథం జగన్నాథ నాథం సదానంద భాజామ్ |

భవద్భవ్య భూతేశ్వరం భూతనాథం, శివం శంకరం శంభు మీశానమీడే 

                                                    || 2||

గళే రుండమాలం తనౌ సర్పజాలం మహాకాల కాలం గణేశాది పాలమ్ |

జటాజూట గంగోత్తరంగై ర్విశాలం, శివం శంకరం శంభు మీశానమీడే 

                                                  || 3 ||

ముదామాకరం మండనం మండయంతం మహా మండలం భస్మ భూషాధరం తమ్ |

అనాదిం హ్యపారం మహా మోహమారం, శివం శంకరం శంభు మీశానమీడే 

                                                  || 4 ||

వటాధో నివాసం మహాట్టాట్టహాసం మహాపాప నాశం సదా సుప్రకాశమ్ |

గిరీశం గణేశం సురేశం మహేశం, శివం శంకరం శంభు మీశానమీడే 

                                                  || 5 ||

గిరీంద్రాత్మజా సంగృహీతార్ధదేహం గిరౌ సంస్థితం సర్వదాపన్న గేహమ్ |

పరబ్రహ్మ బ్రహ్మాదిభిర్-వంద్యమానం, శివం శంకరం శంభు మీశానమీడే 

                                                   || 6 ||

కపాలం త్రిశూలం కరాభ్యాం దధానం పదాంభోజ నమ్రాయ కామం దదానమ్ |

బలీవర్ధమానం సురాణాం ప్రధానం, శివం శంకరం శంభు మీశానమీడే 

                                                   || 7 ||

శరచ్చంద్ర గాత్రం గణానందపాత్రం త్రినేత్రం పవిత్రం ధనేశస్య మిత్రమ్ |

అపర్ణా కళత్రం సదా సచ్చరిత్రం, శివం శంకరం శంభు మీశానమీడే 

                                                    || 8 ||

హరం సర్పహారం చితా భూవిహారం భవం వేదసారం సదా నిర్వికారం| 

శ్మశానే వసంతం మనోజం దహంతం, శివం శంకరం శంభు మీశానమీడే 

స్వయం యః ప్రభాతే నరశ్శూల పాణే పఠేత్ స్తోత్రరత్నం త్విహప్రాప్యరత్నమ్ |

సుపుత్రం సుధాన్యం సుమిత్రం కళత్రం విచిత్రైస్సమారాధ్య మోక్షం ప్రయాతి ||

శివాష్టకమ్
http://www.youtube.com/watch?v=nV0OzSNe578